కార్తీక మాసంలో ఏ తిథి రోజున ఏం చేయాలి- To Do LIst for Karthika masam - karthika masam significance importance

To Do LIst for Karthika masam - Significance - importance - Day to Day activities can do on Karthika masam 

కార్తీక మాసంలో ఏ తిథి రోజున ఏం చేయాలి..?

పితృదేవతలకు ఒక రోజు అంటే మనకు ఒక సంవత్సరం అని మనలో చాలా మందికి తెలుసు.... ప్రతి నెల రెండు గంటలకు సమానం అనుకుంటే ఈ కార్తీక మాసం అనేది బ్రహ్మ ముహూర్త సమయం లాంటిది... ఇది ఎంతో మంచి సమయం.. అందుకే ఈ నెల రోజులు మనం రోజూ వెలిగించే దీపము మన పితృదేవతలకు దారి కనిపించేదిగా ఉంటుందట... అందుకే దీపావళి మొదలు కార్తీక మాసమునకు అంత ప్రాముఖ్యం... ఇంతటి మహత్తరమైన ఈ నెల రోజులు ఏ ఏ రోజులో ఏ ఏ పుణ్య కార్యం చేయవచ్చో.. క్రింద వరుసగా మన పెద్దలు ఇచ్చారు..

దీపావళి మరుసటి రోజు నుంచి మొదలయ్యే కార్తీక_మాసం అన్ని మాసాల్లో కెల్లా విశిష్టమైనదని మొట్టమొదట వశిష్ట మహర్షి జనక మహారాజుకు చెప్పాడని పురాణోక్తి...

కార్తీక మాసం గొప్పతనం గురించి వివరించే శ్లోకం: 
న కార్తీక సమో మాసో
న శాస్త్రం నిగమాత్పరమ్
నారోగ్య సమముత్సాహం
న దేవః కేశవాత్పరః

కార్తీక శుద్ధ పాడ్యమి : కార్తీక పాడ్యమిని బలి పాడ్యమి అని కూడా అంటారు.. తెల్లవారుజామునే లేచి, స్నానం చేసి గుడికి వెళ్లాలి.. కార్తీక వ్రతాన్ని నిర్విఘ్నంగా చేసేట్టుగా అనుగ్రహించమని ప్రార్థించి, సంకల్పం చెప్పుకొని, ఆకాశదీపాన్ని సందర్శించుకోవాలి.

విదియ : ఈ రోజును యమ ద్వితీయ అని కూడా అంటారు... ఈ రోజున విదియ భోజనాలు అని కూడా అంటారు... సోదరి ఇంట ఆమె చేతి భోజనం చేసి, కానుకలు ఇచ్చి రావాలి. ఇలాంటివారికి యమగండం తప్పుతుందంటారు.

తదియ : అమ్మవారికి కుంకుమ పూజ చేయాలి.

చవితి : ఈ రోజునే నాగుల చవితి అంటాము... నాగుల చవితి సందర్భంగా సుబ్రహ్మణ్యేశ్వరుని పూజించాలి.  పుట్టలో పాలు పోయాలి.

పంచమి : దీనిని జ్ఞాన పంచమి అంటారు. ఈ రోజున సుబ్రహ్మణ్యేశ్వరుని పూజిస్తే జ్ఞానవృద్ధి కలుగుతుంది.

షష్ఠి : ఈరోజున బ్రహ్మచారి అర్చకునికి ఎర్ర గడుల కండువాను దానం చేస్తే సంతాన ప్రాప్తి కలుగుతుంది.

సప్తమి : ఎర్రని వస్త్రంలో గోధుమలు పోసి అర్చకునికి దానం ఇస్తే ఆయుఃవృద్ధి ప్రాప్తిస్తుంది.

అష్టమి : ఈరోజున చేసే గోపూజ మంచి ఫలితాలను ఇస్తుంది. దీన్ని గోపాష్టమి అని కూడా అంటారు.

నవమి : నేటి నుంచి మూడు రోజుల పాటు విష్ణు త్రిరాత్ర వ్రతాన్ని ఆచరించాలి.

దశమి : నేడు రాత్రిపూట విష్ణుపూజ చేయాలి.

ఏకాదశి : దీన్నే బోధనైకాదశి అంటారు. ఈరోజున విష్ణుపూజ చేస్తే సద్గతులు కలుగుతాయి.

ద్వాదశి : ఈరోజు క్షీరాబ్ధి ద్వాదశి అంటారు. సాయంకాలం ఉసిరి, తులసి మొక్కల వద్ద విష్ణుపూజ చేసి, దీపాలను వెలిగించాలి. దీంతో సర్వపాపహరణం అవుతుంది.

త్రయోదశి : సాలగ్రామ దానం చేస్తే కష్టాలు దూరమవుతాయి.

చతుర్దశి : పాషాణ చతుర్దశి వ్రతం చేసుకుంటే మంచిది.

కార్తీక_పూర్ణిమ : కార్తీక మాసంలోకెల్లా అతి పవిత్రమైన రోజు. ఈరోజున నదీస్నానం చేసి, శివాలయం వద్ద జ్వాలాతోరణ దర్శనం చేసుకోవాలి. ఈరోజున సత్యనారాయణ వ్రతం చేస్తే సర్వపాపాలూ తొలగిపోతాయి.

కార్తీక బహుళ పాడ్యమి : ఆకుకూర దానం చేస్తే మంచిది
.
విదియ : వనభోజనాలు చేయడానికి అనువైన రోజు.

తదియ : పండితులు, గురువులకు తులసిమాలను సమర్పిస్తే తెలివితేటలు పెరుగుతాయి.

చవితి : రోజంతా ఉపవాసం చేసి, సాయంకాలం గరికతో గణపతిని పూజించాలి. ఆ గరికను దిండు కింద పెట్టుకుని పడుకుంటే పీడకలలు పోతాయి.

పంచమి :చీమలకు నూకలు చల్లడం, శునకాలకు అన్నం పెట్టడం మంచిది.

షష్ఠి : గ్రామదేవతలకు పూజ చేయాలి.

సప్తమి : జిల్లేడు పూల దండను శివునికి సమర్పించాలి.

అష్టమి : కాలభైరవాష్టకం చదివి, గారెల దండను భైరవుడికి (శునకం) సమర్పిస్తే ధనప్రాప్తి కలుగుతుంది.

నవమి : వెండి లేదా రాగి కలశంలో నీరు పోసి, పండితునికి దానమిస్తే పితృదేవతలు సంతోషిస్తారు.

దశమి : అన్నదానం చేస్తే విష్ణువు సంతోషించి, కోరికలు తీరుతాయి.

ఏకాదశి : విష్ణు ఆలయంలో దీపారాధన, పురాణ శ్రవణం, పఠనం, జాగరణ చేస్తే మంచి ఫలితాలుంటాయి.

ద్వాదశి : అన్నదానం లేదా స్వయంపాకం సమర్పిస్తే శుభం.

త్రయోదశి : ఈరోజున నవగ్రహారాధన చేస్తే గ్రహదోషాలు తొలగిపోతాయి.

చతుర్దశి : ఈరోజున మాస శివరాత్రి. కాబట్టి శివారాధన, అభిషేకం చేస్తే అపమృత్యు దోషాలు, గ్రహబాధలు తొలగుతాయి.

అమావాస్య : పితృదేవతల పేరుతో అన్నదానం చేస్తే పెద్దలకు నరక బాధలు తొలగుతాయి.

క్రింద కార్తీక పురాణము ను ఉంచుతున్నాము సులభంగా డౌన్ లోడ్ చేసుకోవచ్చు...

సంపూర్ణ కార్తీక మహా పురాణము - 1 -15 రోజులు

సంపూర్ణ కార్తీక మహా పురాణము - 16 -30 రోజులు