శరచ్చంద్రఫాలం మహాదైత్యకాలమ్ |
నభోనీలకాయం దురావారమాయం
సుపద్మాసహాయం భజేఽహం భజేఽహమ్ || ౧ ||
సదాంభోధివాసం గలత్పుష్పహాసం
జగత్సన్నివాసం శతాదిత్యభాసమ్ |
గదాచక్రశస్త్రం లసత్పీతవస్త్రం
హసచ్చారువక్త్రం భజేఽహం భజేఽహమ్ || ౨ ||
రమాకంఠహారం శ్రుతివ్రాతసారం
జలాంతర్విహారం ధరాభారహారమ్ |
చిదానందరూపం మనోజ్ఞస్వరూపం
ధృతానేకరూపం భజేఽహం భజేఽహమ్ || ౩ ||
జరాజన్మహీనం పరానందపీనం
సమాధానలీనం సదైవానవీనమ్ |
జగజ్జన్మహేతుం సురానీకకేతుం
త్రిలోకైకసేతుం భజేఽహం భజేఽహమ్ || ౪ ||
కృతామ్నాయగానం ఖగాధీశయానం
విముక్తేర్నిదానం హరారాతిమానమ్ |
స్వభక్తానుకూలం జగద్వృక్షమూలం
నిరస్తార్తశూలం భజేఽహం భజేఽహమ్ || ౫ ||
సమస్తామరేశం ద్విరేఫాభకేశం
జగద్బింబలేశం హృదాకాశవేశమ్ |
సదా దివ్యదేహం విముక్తాఖిలేహం
సువైకుంఠగేహం భజేఽహం భజేఽహమ్ || ౬ ||
సురాలీబలిష్ఠం త్రిలోకీవరిష్ఠం
గురూణాం గరిష్ఠం స్వరూపైకనిష్ఠమ్ |
సదా యుద్ధధీరం మహావీరవీరం
భవాంభోధితీరం భజేఽహం భజేఽహమ్ || ౭ ||
రమావామభాగం తలాలగ్ననాగం
కృతాధీనయాగం గతారాగరాగమ్ |
మునీంద్రైస్సుగీతం సురైస్సంపరీతం
గుణౌఘైరతీతం భజేఽహం భజేఽహమ్ || ౮ ||
ఫలశ్రుతి |
ఇదం యస్తు నిత్యం సమాధాయ చిత్తం
పఠేదష్టకం కంఠహారం మురారేః |
స విష్ణోర్విశోకం ధ్రువం యాతి లోకం
జరాజన్మశోకం పునర్విందతే నో || ౯ ||
ఇతి శ్రీ పరమహంసస్వామి బ్రహ్మానందవిరచితం శ్రీహరిస్తోత్రం ||
శ్రీ హరి స్తోత్రాన్ని ఒక సారి వినండి తన్మయత్వానికి గురవుతారు...
To Download Sri Hari Stotram in Telugu pdf pl click below
Tags:Sri Hari Stotram in Telugu pdf free download,
Sri Hari stotram importance and significance,
Sri Hari stotram meaning in telugu,
Sri Hari Stotram learning video,
Sri Hari stotram book in telugu,
Sri Hari Stotram Lyrics in Telugu,
మరిన్ని >>కృష్ట స్తోత్రాలు << కోసం క్రింది లింక్ చూడండి(with heart fill enjoyment of Krishna Stotras.. definetely u can feel happy..
Post a Comment